Crea sito

Chi ch'a soma

Coste pagine pùbliche dla ragnà, antitolà "Gesia Evangélica Piemontèisa" a son soagnà da Pàul E. Castlin-a (Paolo Castellina), pastor evangélich. Nassù a Turin ël 17 ëd giugn 1952, a l'ha passà ij sò prim ann a Cuorgné ant ël Canavèis e peui soa gioventù a Coni, ch'a la considera "soa sità". A l'ha studià teologìa an Svissera e peui a l'é stàit consacrà pastor dla Cesa Evangélica Arformà dël Canton dij Grison, anté ch'a l'ha servì la comunità cristian-a arformà (protestanta) dla Bargaja (a meridion dle Alp) për 25 agn. Peui a l'é trasferisse an Inghiltera andova ch'a travaja ancheuj ant l'asistensa sossial. A l'ha mai dësmentià, contut, ël sò Piemont, soa lenga e coltura. A-i é gnun d'àutri mej present ch'as peussa fesse a soa gent che feje conòsse la Paròla 'd Nosgnor ant la lenga dij sò antich, e la fej cristian-a pura e sensa macia ch'a presenta, coma ch'a fasìo j'antich valdèis për tut ël Piemont. A l'é për lòn che 'l pastor Castlin-a a l'é angagiasse (con d'àutri colaborator) a volté la Bibia an Piemontèis, coma chiel a dis: "... përchè nòstra gent a fasa torna la descoerta dla fej cristian-a purificà da tute le scòrie ch'a son ambaronassje adòss ant ël cors dij sécoj e ch'a dësfiguro soa blëssa".

A l'é nòst vòt che la conossènsa dla Paròla 'd Nosgnor a peussa purifiché la fej e la religion dla tradission dël pòpol piemontèis përché nòstra gent a peussa artorné a conòsse e a vive 'l Cristianèsim ëd manera libera e fedel a soe sorgiss bìbliche, liberandse da tut lòn ch'a l'é nen conform..

 ESCAPE='HTML'